रोटरी क्लब शिवाजीनगर आयोजित २२ वी एकांकिका स्पर्धा रोटरी क्लब युनिव्हर्सिटीच्या “कुलकर्णी vs देशपांडे” एकांकिकेने जिंकली. स्पर्धेत १५ स्पर्धक सहभागी झाले होते. भारत नाट्यमंदिर येथे झालेल्या कार्यक्रम प्रसंगी एजी. रो.संदीप वेळेकर, रोटरी क्लब शिवाजीनगरच्या अध्यक्ष रो.शोभा राव, सेक्रेटरी रो.अजय गोडबोले, सुप्रसिद्ध अभिनेते आनंद इंगळे, कन्व्हेनर रो.शिरीष क्षीरसागर, को कन्व्हेनर कल्याणी पेंढारकर, या स्पर्धेचे परीक्षक विनीता पिंपळखरे, सुनील नाईक, दीपक रेगे आदी मान्यवरांच्या बरोबरच रोटरी पदाधिकारी व सदस्य आणि कुटुंबिय उपस्थित होते. या प्रसंगी बोलताना आनंद इंगळे यांनी कोणत्याही स्पर्धेत सातत्य महत्वाचे असते. कला ही दुसर्याच्या बरोबरच स्वत:ला आनंद मिळण्यासाठी असते असे प्रतिपादन केले. रो.शोभा राव यांनी पुढच्या वर्षी स्पर्धेत आधिक स्पर्धक सहभागी करणे व अधिकाधिक तरुणांपर्यंत ही स्पर्धा पोचविण्याचा प्रयत्न करणार असल्याचे संगितले.
छायाचित्र :स्पर्धा विजेते आणि मान्यवर यांचे समूहचित्र. 
