रोटरी क्लब पुणे कॅम्पच्या अध्यक्षपदी प्रदीप खेडकर यांची निवड करण्यात आली. मावळते अध्यक्ष ज्योतिन्द्र झवेरी यांच्याकडून त्यांनी सूत्रे स्वीकारली. सचिवपदी सादिक सागर यांची निवड करण्यात आली. हॉटेल शांताई येथे संपन्न झालेल्या या कार्यक्रम प्रसंगी प्रमुख पाहुणे म्हणून प्रांतपाल मंजु फडके होत्या. सहाय्यक प्रांतपाल फिरोज मास्टर्स, रोटरी पदाधिकारी सदस्य व कुटुंबिय उपस्थित होते. ९ नवीन सदस्यांना ह्यावेळी सामावून घेण्यात आले. या प्रसंगी बोलतांना नवनिर्वाचित अध्यक्ष प्रदीप खेडकर यांनी आगामी काळात सायकल वाटप, भरड धान्य प्रसार, हॅप्पी स्कूल, कृषी उद्योग प्रशिक्षण व अन्य प्रकल्प राबविणार असल्याचे सांगितले.
छायाचित्र : प्रदीप खेडकर. 
