अनेक प्रकारच्या सामाजिक सेवा देणारे पुना नॉर्थ रोटरी चॅरिटेबल ट्रस्ट आणि रेफ्रीजरेशन व कोल्ड चेनच्या क्षेत्रातील अंतरराष्ट्रीय स्तरावरील सल्लागार एसीआर प्रोजेक्ट कन्सल्टंटस प्रायव्हेट लिमिटेड पुणे यांच्या संयुक्त विद्यमाने इंजिनिअरिंगच्या विद्यार्थ्यांसाठी सलग आठव्या वर्षी शिष्यवृत्ती प्रदान करण्यात आली. एसीआर प्रोजेक्ट कन्सल्टंटस कार्यालय येथे नुकत्याच संपन्न झालेल्या या समारंभात खालील विद्यार्थ्यांना रुपये १००००/- दहा हजार प्रत्येकीची शिष्यवृती व प्रशस्ती पत्र देण्यात आले. १)गणेश निकम(COEP), २)अविनाश टोम्पे(PVGCOE), ३)सौरभ अहिनवे(JAI HIND COLLEGE), ४)निरंजन वाघ (MIT), ५)ज्योती बिराजदार(PCCOE), ६)प्रथमेश पल्हाड(PCCOE), ७)सिद्धेश गजरे(PCCOE), ८)ममता जैस्वाल(CUMMINS), ९)रुचिता कदम(CUMMINS).  ह्या शिवाय उत्तेजनार्थ पुरस्कार प्रत्येकी ५०००/ हे  १)शंतनू पांचाळ(MMCOE), २)पुजा भोई (CUMMINS) यांना देण्यात आले. हे विद्यार्थी इशरे पुणे चॅप्टरचे सभासद आहेत. या विद्यार्थ्यांची निवड त्यांची गुणवत्ता व त्यांच्या रेफ्रीजरेशन व एअर कंडिशनिंग ह्या विषयातील प्रावीण्य व आर्थिक गरज ह्या वृत्तावर करण्यात आलेली आहे. समारंभास रोटरी क्लब पुना नॉर्थचे अध्यक्ष रो. गिरीश कोनकर, रो.कुलदीप जोशी रोटेरियन व एसीआर प्रोजेक्ट कन्सल्टंटसचे सीएमडी अरविंद सुरंगे, ईशरे पुणेचे प्रेसिडेंट इलेक्ट अशुतोष जोशी, प्रो. डॉ. भटकर तसेच रोटरी ईशरे व शैक्षणिक संस्थेतील मान्यवर उपस्थित होते.

छायाचित्र : विद्यार्थी व मान्यवर यांचे समूहचित्र.