रोटरी क्लब पुना नॉर्थच्या अध्यक्षपदी दीप्ती पुजारी यांची निवड करण्यात आली. मावळते अध्यक्ष रो.कमांडर गिरीश कोनकर यांच्याकडून त्यांनी सूत्रे स्वीकारली. तर सचिवपदी शिल्पा राजे यांनी सूत्रे स्वीकारली. पाषाण येथील आरोमी हॉल येथे संपन्न झालेल्या या कार्यक्रमाचे प्रमुख पाहुणे माजी प्रांतपाल हरिप्रसाद सोमाणी व माजी प्रांतपाल रवी धोत्रे होते. कार्यक्रमाचे सूत्र संचलन अविनाश नवाथे व माधवी नवाथे यांनी केले. कार्यक्रम प्रसंगी रोटरी प्रांत पदाधिकारी, माजी पदाधिकारी, रोटरी सदस्य व कुटुंबिय उपस्थित होते. या प्रसंगी बोलतांना नवनिर्वाचित अध्यक्ष दीप्ती पुजारी यांनी आगामी काळात शिक्षण, आरोग्य, पर्यावरण ,महिला सक्षमीकरण विषयी विविध समाजोपयोगी प्रकल्प राबविणार असल्याचे सांगितले.
छायाचित्र : दीप्ती पुजारी 
