रोटरी क्लब हिलसाईड, डाऊनटाऊन, स्पोर्टसिटी, औंध, चिंचवड यांच्या संयुक्त विद्यमाने डॉ.गिरीश कुलकर्णी ( स्नेहालय), व प्रशांत जोशी (ईश्वरपुरम) यांना रोटरीचे प्रांतपाल डॉ.अनिल परमार यांच्या हस्ते शांतता पुरस्कार प्रदान करण्यात आला. शाल,श्रीफळ,पुणेरी पगडी,व मानपत्र असे पुरस्काराचे स्वरूप होते. तसेच ग्रासलँड ट्रस्ट व एकलव्यचे राजू केंद्रे यांचा गौरव करण्यात आला. इंस्टिट्यूट ऑफ इंजिनियर्सच्या फिरोदीया सभागृह येथे झालेल्या या कार्यक्रम प्रसंगी रोटरी प्रांतच्या पीस कमिटी डायरेक्टर स्मिता विखणकर, रोटरी क्लब अध्यक्ष विभावरी देशपांडे, झिमरा ईस्त्रेल, केनेडी सॅम्युअल, सुखानंद जोशी, महावीर सत्यन. आदी मान्यवरांच्या बरोबरच कुटुंबिय उपस्थित होते.या प्रसंगी बोलतांना प्रांतपाल अनिल परमार यांनी गरजू समाज व व्यक्तींच्या आवश्यक गरजा पूर्ण करणे हे शांततेचेच एक कार्य असल्याचे प्रतिपादन केले.कार्यक्रमाचे सूत्र संचालन केनेडी सॅम्युअल यांनी केले तर आभार प्रदर्शन विभावरी देशपांडे यांनी केले.
छायाचित्र : पुरस्कारार्थी व मान्यवर यांचे समूहचित्र. 
