रोटरी क्लब पुणे कॉस्मोपॉलीटनच्या अध्यक्षपदी डॉ.शरद जोशी यांची निवड करण्यात आली. त्यांना दुसर्‍यांदा अध्यक्ष होण्याचा बहुमान लाभला आहे. सेक्रेटरीपदी श्रीकांत खुळगे यांची निवड करण्यात आली. हॉटेल क्लोव्हर येथे झालेल्या या कार्यक्रम प्रसंगी प्रमुख पाहुणे प्रांतपाल पंकज शहा, सहाय्यक प्रांतपाल डॉ.शुभांगी कोठारी, डिस्ट्रिक्ट टास्क फोर्सचे गणेश कुदळे, आदी मान्यवरांच्या बरोबरच विविध क्षेत्रांतील मान्यवर व रोटरी पदाधिकारी आणि सदस्य उपस्थित होते. या प्रसंगी बोलताना नवनिर्वाचित अध्यक्ष शरद जोशी यांनी आगामी काळात कोरोना मुळे सर्वांचे मानसिक-आर्थिक नुकसान झाले आहे. त्यावर उपाय योजना, उद्योग व रोजगार वाढ, तसेच संस्कृतिक उपक्रमचे आयोजन करणार असल्याचे संगितले.
छायाचित्र : डॉ.शरद जोशी 
