विर शिरोमणि महाराणा प्रताप यांच्या ४८१ व्या जयंती निमित्त “विर शिरोमणि महाराणा प्रताप मार्ग” येथील नाम फलकांचे नूतनीकरण राजपूत सोशल वॉरियर्सच्या पुढाकाराने करण्यात आले. याचे उद्घाटन स्थानिक नगरसेवक अजय खेडेकर यांच्या हस्ते करण्यात आले. हा मार्ग रविवार पेठ, गणेश पेठ, गुरुवार पेठ ,महात्मा फुले व घोरपडे पेठ असा जातो. कार्यक्रमाचे आयोजक राजपूत सोशल वॉरीयर असून किशोर रजपूत, शैलेश बढाई, स्वप्नील नाईक होते. या प्रसंगी सूरज लोखंडे, राजाभाऊ रजपूत, सर्फराज खान, सादीक शेख, अमित रजपूत, प्रशांत बढाई, पद्माकर राणा, सुनिल परदेशी, वासुदेव डाळवाले, अमन परदेशी, आदी मान्यवर उपस्थित होते. या प्रसंगी बोलताना अजय खेडेकर यांनी या मार्गावरील फलक जीर्ण झाले होते असे संगितले. किशोर रजपूत यांनी महापुरुषांची आठवण पुढील पिढीस व्हावी यासाठी या कार्यक्रमाचे आयोजन केल्याचे सांगितले.
छायाचित्र :उद्घाटन प्रसंगी मान्यवर. 
