रोटरी क्लब मिडटाऊनच्या वतीने “सर्वोत्तम सेवा” (सर्व्हिस एक्सलंस)पुरस्कार सेवा सहयोग संस्थेस प्रदान करण्यात आला. माजी प्रांतपाल रो.डॉ सुधिर राशिंगकर यांच्या हस्ते पल्लवी कडदी संचालिका सेवा सहयोग यांना प्रदान करण्यात आला. शाल,श्रीफळ,मानपत्र व स्मृतिचिन्ह असे पुरस्काराचे स्वरूप होते. सेवासदन स्कूल एरंडवणाच्या सभागृहात संपन्न झालेल्या या कार्यक्रम प्रसंगी रोटरी क्लब मिडटाऊनचे अध्यक्ष रो.पराग सुरा, सचिव रो. सूरज पाषाणकर, संचालक रो धनंजय काळे, रो.मुकुंद कमलाकर आदी मान्यवरांच्या बरोबरच रोटरी सदस्य व सेवा सहयोग संस्थेचे कार्यकर्ते उपस्थित होते. या प्रसंगी बोलताना रो.डॉ.सुधिर राशिंगकर यांनी विविध सामाजिक संस्थांनी काम करीत असताना अन्य संस्थां सोबत सामाजिक कार्य करावे.यामुळे अधिक चांगली संसाधने एकत्र येतात व कार्य अधिक जोमाने होते असे संगितले. रो.पराग सुरा यांनी बोलतांना विविध सामाजिक क्षेत्रांत काम करणार्या व्यक्तींचा सन्मान करणे हे सामाजिक कर्तव्य आहे असे संगितले. सत्काराला उत्तर देतांना पल्लवी कडदी यांनी सामाजिक काम जर आवश्यक आणि कार्यकर्ते जर तळमळीचे असेल तर समाज त्याच्या पाठीशी उभा राहतो असे प्रतिपादन केले.
छायाचित्र :डावीकडून धनंजय काळे, पराग सुरा, सुधिर राशिंगकर, पल्लवी कडदी, सूरज पाषाणकर. 
