मराठी राजभाषा दिनाच्या औचित्य साधून रोटरी पब्लीक इमेज टीम तर्फे रोटरी मधील लेखक व कवी यांचा गौरव सोहळा साजरा केला. या बहुरंगी कार्यक्रमात महाराष्ट्र साहित्य परिषदेचे कार्याध्यक्ष डॉक्टर मिलिंद जोशी व अखिल भारतीय मराठी प्रकाशक संघाचे अध्यक्ष राजीव बर्वे प्रांतपाल पंकज शहा उपस्थित होते. याप्रसंगी डॉक्टर दीपक शिकारपूर यांना साहित्य भूषण पुरस्कार व डॉक्टर सुधीर राशिंगकर यांना जीवनगौरव पुरस्काराने सन्मानित करण्यात आले. तसेच रोटरी परिवारातील इतर साहित्यिकांचा ही सन्मानचिन्ह देऊन गौरव करण्यात आला. या कार्यक्रमाला उदंड प्रतिसाद मिळाला व मराठी भाषेतील भाषेला गतवैभव प्राप्त करून देण्याची नैतिक जबाबदारी आपली आहे अशी भावना सर्व रोटरी सदस्यांनी व्यक्त केली. रोटरी परिवारात असे साहित्यिक मिळावे आयोजित करण्याची इच्छा व्यक्त करण्यात आली. या कार्यक्रमात रोटरी क्लब पुणे कॅम्प, रोटरी क्लब सिंहगड रोड, रोटरी क्लब साउथ, रोटरी क्लब प्राईस सिटी यांचा सहभाग होता. कार्यक्रमाचे सूत्रसंचालन क्रांती शहा व कौस्तुभ सातपुते यांनी केले. श्रीकांत पाटणकर यांनी आभार व्यक्त केले.
छायाचित्र : डावीकडून राजीव बर्वे,सुधीर राशिंगकर,मिलिंद जोशी,पंकज शहा,दीपक शिकारपुर 
