भारतीय सैन्यात विविध सेवा करीत असताना जखमी झालेल्या सैनिकांचा सत्कार रोटरी क्लब पुणे नॉर्थ, लोकमान्य नगर,पिंपरी एलिट, विज्डम,फॉरच्यून यांच्या संयुक्त विद्यमाने करण्यात आला. क्विन मेरी टेक्निकल इंस्टीट्यूट रेंज हिल्स येथे संपन्न झालेल्या या कार्यक्रम प्रसंगी नियोजित प्रांतपाल डॉ.अनिल परमार, कर्नल वसंत बल्लेवार(रिटा). व्होकेशनल डायरेक्टर अजय वाघ, मनीषा कोनकर अध्यक्ष रोटरी क्लब पुणे नॉर्थ, रवींद्र पाटील अध्यक्ष रोटरी क्लब लोकमान्यनगर, रवींद्र भावे अध्यक्ष रोटरी क्लब पिंपरी एलिट, हेमंत पुराणिक अध्यक्ष रोटरी क्लब पुणे विज्डम, असित शहा अध्यक्ष रोटरी क्लब फॉरच्यून आदी मान्यवरांच्या बरोबरच रोटरी पदाधिकारी व सदस्य उपस्थित होते. सत्कारार्थी हवालदार चमन सिंग (रिटा),शिपाई गिरीवर सिंग (रिटा),बी एस एफ भास्कर गोरटकर. शाल, श्रीफळ,मानपत्र व स्मृतीचिन्ह असे सत्काराचे स्वरूप होते. या प्रसंगी बोलताना अनिल परमार यांनी सैनिकांचा सन्मान करण्यास मिळणे हा आमचा सन्मान असल्याचे संगितले. सत्कारार्थी जवानांनी बोलताना आम्हाला देशरक्षणाची जबाबदारी पार पाडत असतांना नागरिकांचा पाठिंबा व प्रेम याने बळ मिळते असे संगितले.
छायाचित्र :डावीकडून अजय वाघ, वसंत बल्लेवार,अनिल परमार,भास्कर गोरटकर,चमन सिंग,गिरवर सिंग 
