रोटरी क्लब एनआयबीएम च्या अध्यक्षपदी अजित वाळींबे यांची निवड करण्यात आली. मावळते अध्यक्ष मनोज भाटे यांच्याकडून त्यांनी सूत्रे स्वीकारली. तर सचिवपदी पल्लवी शहा यांची निवड करण्यात आली. पुना क्लब येथील सभागृहात संपन्न झालेल्या या कार्यक्रम प्रसंगी प्रमुख पाहुणे प्रांतपाल मंजु फडके होत्या. सहाय्यक प्रांतपाल मनोजित चौधरी, प्रेसि इलेक्ट नितिन करंदीकर आदी मान्यवरांच्या बरोबरच रोटरी पदाधिकारी, सदस्य व कुटुंबिय उपस्थित होते. या प्रसंगी बोलतांना नवनिर्वाचित अध्यक्ष अजित वाळींबे यांनी आगामी काळात पर्यावरण, आरोग्य, शिक्षण आदी क्षेत्रांत विविध समाजोपयोगी प्रकल्प राबविणार असल्याचे सांगितले॰
छायाचित्र : अजित वाळींबे 
