रोटरी क्लब फिनिक्सच्या अध्यक्षपदी डॉ.समीर डोलारे आणि सचिवपदी अॅड.माधव सोमण यांची निवड करण्यात आली. संगम हॉल सातारा रस्ता येथे नुकत्याच संपन्न झालेल्या या कार्यक्रम प्रसंगी प्रमुख पाहुण्या प्रांतपाल मंजु फडके, सहप्रांतपाल वासवी मुळे, डिस्ट्रिक्ट रिसोर्स ट्रेनर राधा गोखले आदी मान्यवर तसेच रोटरी पदाधिकारी सदस्य, व कुटुंबिय उपस्थित होते. या प्रसंगी प्रांतपाल मंजु फडके यांची पुस्तक तुला करण्यात आली. ही पुस्तके क्लब काम करीत असलेल्या ४ शाळांना दिली जातील. या प्रसंगी बोलतांना नवनिर्वाचित अध्यक्ष समीर डोलारे यांनी आगामी काळात २५ लहान मुलांच्या हार्ट सर्जरी,चाकण जवळील गोणवडी आणि पिंपरी ही २ गावे दत्तक घेवून ती विकसित करणे असे विविध प्रकल्प करणार असल्याचे सांगितले.
छायाचित्र : डावीकडून समीर डोलारे, माधव सोमण. 
